Президент “Ўзбекистон Республикаси билан Қозоғистон Республикаси ўртасида Ўзбекистон-Қозоғистон Давлат чегарасини демаркация қилиш тўғрисидаги шартномани ратификация қилиш ҳақида”ги қонунни имзолади.
Қайд этилишича, битим Ўзбекистон-Қозоғистон давлат чегарасини ўрнатиш бўйича ишларни якунлади ва чегара хавфсизлиги ва яхлитлигини таъминлаш учун энг муҳим шарт-шароитларни яратди.
Ҳужжатнинг ўзи Ўзбекистон Республикаси Президенти Шавкат Мирзиёев ва Қозоғистон Республикаси Президенти Қосим-Жомарт Токаев томонидан 2022 йил 21 декабрь куни мамлакатимизга давлат ташрифи чоғида имзоланган эди.
Битимга кўра, Ўзбекистон Республикаси ва Қозоғистон Республикаси ўртасидаги Давлат чегарасининг демаркацияланган чизиғининг узунлиги 2356 километрдан ортиқни ташкил этади.
