Тошкент шаҳар Сергели туманида Lacetti йўлдан ўтаётган ёш болани уриб юборди. ЙҲХБ ҳолат юзасидан маълумотларни тақдим этди.
Унга кўра, 4 июль куни соат 19:30 ларда ҳайдовчи 1998 йилда туғилган С.С. Lacetti русумли автомашинасини бошқариб келаётиб, Сергели тумани Мирзо Турсунзода кўчасида, йўлни кесиб ўтаётган пиёда — 2011 йилда туғилган О.С.ни уриб юборган.
Натижада пиёда О.С. турли тан жароҳатлар билан шифохонага ётқизилган. Ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ишлари олиб борилмоқда.
