Самарқанд халқаро аэропортида соат 13.30 дан 16.00 оралиғида Самарқанд шаҳри осмонида дўлга қарши тадбирлар амалга оширилиши муносабати билан учиш-қўниш парвозларига вақтинча чеклов киритилди. Бу ҳақда UZBEKISTAN AIRPORTS хабар берди.
Silk Avia авиакомпаниясининг Самарқанд-Тошкент йўналиши бўйича US114 рейсининг учиши бир неча соатга кечиктирилди. Жадвалга кўра, учиш 13:40 га белгиланган эди.
Кечиктирилган рейслар йўловчилари Самарқанд аэропорти терминалига жойлаштирилган.
