Ижтимоий тармоқларда тарқалган “Ҳаракатланиб кетаётган трактордаги уч присеп сомон ёниб кетибди” деб номланган маълумотга Фавқулодда вазиятлар вазирлиги расмий муносабат берди.
Маълум қилинишича, жорий йилнинг 4 июль куни соат 16:47да Навоий вилояти Навбаҳор тумани, “Меҳнат” МФЙ ҳудудидан ўтувчи “Учтут-қалқон” йўлининг 3 км.да ҳаракатланиб кетаётган трактор тиркамаларидаги сомон ёнаётганлиги тўғрисида Фавқулодда вазиятлар бошқармасига хабар келиб тушган.
Воқеа жойига ёнғин қутқарув экипажлари соат 17:02 да етиб боришиб, ёнғин соат 17:06 да қуршаб олинган ва соат 17:15 да ёнғин батамом ўчирилган.
Ёнғиндан трактор тиркамаларидаги 300 дона самон пресс ҳамда тиркамани 1 дона ғилдирак шинаси ёнган. Ёнғиндан тан жароҳати олганлар йўқ.
