Нодавлат нотижорат ташкилотлари ва Ўзбекистон бизнес тузилмалари Украинага 10,5 тонна гуманитар ёрдам жўнатди. Бу ҳақда Украинанинг Ўзбекистондаги элчиси Николай Дорошенко Фаcебоокъдаги саҳифасида маълум қилди.
Гуманитар ёрдам аллақачон Лвов вилоятининг Дрогобитский тумани маъмурияти, Ижтимоий сиёсат бўлими ва Лвов вилояти махсус тиббий ёрдам бўйича кенгашига топширилган.
Украинага жами 785 844 гривнага (тахминан 21 282 доллар) қишки поябзал, спорт, болалар ва аёллар кийимлари юборилган. Шунингдек, умумий қиймати 157 771 гривна (тахминан 4 273 доллар) бўлган тиббий шприслар, тиббий пахта ва инфузион тизимлар жўнатилган.
Украинанинг Ўзбекистондаги элчиси гуманитар акция иштирокчиларига самимий миннатдорлик билдирган.
