Жорий йилнинг 26 август санасидан бошлаб Тошкент метрополитенининг "Юнусобод" ва "Туркистон" бекатлари ёпилиши муносабати билан “Туркистон-Юнусобод–Шаҳристон" метро бекатлари оралиғида бепул хизмат кўрсатувчи 18 метрли 10 дона автобуслар (метробус) ҳаракати йўлга қўйилмоқда. Бу ҳақда "Тошкент метрополитени" ДУК матбуот хизмати хабар қилмоқда.
Шунингдек, ушбу автобуслар белгиланган йўналишда қуйидаги 3 та бекатларда тўхтаб ҳаракатланади:
1. Туркистон метро бекати;
2. Юнусобод метро бекати (Мега Планет савдо маркази қаршисида);
3. Шахристон метро бекатига тушиш қисмларида.
Бу автобусларнинг кунлик иш фаолияти 5 дақиқалик интервалда тонги 05:00 дан тунги 00:00 га қадар бепул амалга оширилади.
*Автобусларнинг олди ва ён қисмларида метро белгиси (метробус) ўрнатилган.
Эслатиб ўтамиз, Тошкент шаҳридаги метронинг “Юнусобод” ва “Туркистон” бекатлари режали профилактик ишларни амалга ошириш мақсадида жорий йилнинг 26 августидан бошлаб 4 ой муддатга ёпилади.
