Хитой Ўзбекистонга янги темирйўл қатновини йўлга қўйди. Бу ҳақда Spot Sinxua агентлигига таяниб хабар бермоқда.
Маълум қилинишича, 29 август куни China Railway Beijing Group компаниясининг юк поезди Хубей провинцияси Чжанжиаку шаҳридан Тошкентга жўнаб кетди. 14 та контейнер платформасидан иборат таркибда автомобиль эҳтиёт қисмлари, маиший техника ва тўқимачилик маҳсулотлари олиб келинмоқда.
Поезд йўналиши Қозоғистон билан чегарадаги Хоргос қуруқ порти орқали ўтиб, тахминан 15 кун ичида Тошкентга етиб келиши кутилмоқда.
Хабарда қайд этилишича, янги йўналиш минтақада юк ташишни ривожлантиришда муҳим қадам бўлади. Чжанжиаку шаҳридаги темирйўл ва автомобиль йўллари туташуви негизида янги мультимодал логистика маркази яратиш режалаштирилмоқда.
