Оксана Чусовитина яна бир халқаро мусобақада олтин медални қўлга киритди

Туркиянинг Мерсин шаҳрида Чақириқ кубогининг Жаҳон босқичи ўтказилмоқда.

Бугун аёллар ўртасидаги таяниб сакраш баҳсларида ҳамюртимиз Оксана Чусовитина барча рақибаларини ортда қолдириб, олтин медалга сазовор бўлди. Оксана ўз чиқишида 13.067 балл тўплаган.

Ушбу йўналишда иккинчи ва учинчи ўринлар мезбон туркиялик спортчиларга насиб этди.