Бугун, 18 сентябрь куни UzAuto Motors расмий сайтида кўрсатилган комплектация ва ранглардаги Chevrolet Cobalt, Lacetti, Damas ва Labo автомобиллари учун контрактация очилган эди.
Ижтимоий тармоқларда мазкур эълондан сўнг автосалонларда навбатлар юзага келгани акс этган видеолар тарқалди.
Кўп ўтмай кўришлар сони кўпайгани сабабли компаниянинг расмий сайтида узилишлар кузатила бошланди.
Шунингдек, тармоқларда Cobalt ва Lacetti учун шартнома бериш тўхтатилгани ҳақида хабарлар тарқалди.
"ЎзАвтосаноат” матбуот котиби хабарни тасдикади. Маълум қилинишича, ҳозирда Cobalt ва Lacetti учун шартнома бериш тўхтатилди.
