Қарши шаҳридаги таълим муассасаларининг бирида омбор мудири сифатида фаолият юрутувчи 41 ёшли Х.М. (аёл) фирибгарлик жинояти устида қўлга тушди. У ўзининг юқоридаги танишлари орқали фуқаро Т.Б нинг ўғлини 7 минг АҚШ доллари эвазига Миллий гвардияга ишга олиб кириб қўйишни ваъда қилган. Бу ҳақда Миллий гвардия Матбуот хизмати хабар бермоқда.
Жорий йилнинг 15 сентябр куни Қашқадарё вилояти прокуратураси томонидан ўтказилган тезкор тадбирда фуқаро Х.М. олдиндан келишилган пулнинг 5000 АҚШ долларини фуқаро Т.Б дан олаётган вақтида ашёвий далиллар билан қўлга олинган.
Ҳозирла мазкур ҳолат юзасидан Жиноят кодексининг 168-моддаси 2-қисми «а» банди ва 28-модда орқали 211-моддаси 1-қисми билан жиноят иши қўзғатилиб, тергов ҳаракатлари олиб борилмоқда.
