Аввлроқ, Туризм қўмитаси ҳузуридаги “Миллий ПР-маркази” давлат унитар корхонаси директори Д.Самандарованинг тадбиркорлик фаолияти билан шуғулланаётганлиги ҳақида хабар қилинган эди.
Ҳолатга Туризм қўмитаси муносабат билдирди.
Маълум қилинишича, мазкур ҳолат юзасидан жорий йилнинг 20 сентябрь куни Ўзбекистон Республикаси коррупцияга қарши курашиш агентлиги томонидан келиб тушган тақдимномага биноан, Туризм қўмитаси ҳузуридаги “Миллий ПР-маркази” ДУК директори Д. Самандарованинг “Автоимкон Траде” МЧЖ таъсисчилигидаги фаолиятини тугатиш, тадбиркорлик фаолияти билан шуғулланмаслик ва келгусида шу каби ҳолатларга йўл қўймаслик ҳақида расман огоҳлантириш ўтказиш ва тушунтириш ишлари олиб бориш чораларини кўриш сўралган.
Юқорида келтирилган тақдимномага биноан Қўмитанинг ишчи гуруҳи тузилиб, хизмат текшируви олиб борилмоқда.
Қўмита ушбу ҳолатни алоҳида назоратга олганлигини ҳамда текширув натижаси юзасидан Коррупцияга қарши курашиш агентлигига белгиланган муддатларда ахборот тақдим этилишини маълум қилади.
