Авва хабар берганимиздек Самарқандда бўлиб ўтаётган Бутунжаҳон туризм ташкилоти (ЮНВТО) Бош Ассамблеяси 25-сессияси доирасида Ўзбекистон Республикаси Президенти Шавкат Мирзиёев ҳузурида Самарқандга “Маданий туризмнинг халқаро пойтахти” мақомини бериш тўғрисида декларация ҳамда Халқаро туризм академиясини ташкил этиш тўғрисида битим қабул қилинди.
Хўш, ушбу декларациянинг аҳамияти нимада, у Самарқандга нима беради? Ушбу саволга Туризм қўмитаси эксперти Тимур Мирзаев жавоб берди.
“Бутун дунёни 190 га яқин мамлакатини бирлаштирадиган ЮНВТО ташкилоти, барча вазирлар билан барчасини сиёсати ҳақида хабардор бўлади. Ҳар бир ҳужжатини назорат қилади. Кимга туризм пойтахтини беряпти, деб албатта қизиқиб кўради. Битта шу фактнинг ўзи, яъни “Самарқанд” сўзининг бутун дунёдаги туризм экспертларнинг қулоғида янграшининг ўзи биз пул билан қилолмайдиган нарса.
Тасаввур қилинг, биз реклама қилсак, ролик қилсак, маълум миқдор пул сарфлаб қайсидир ОАВда эълон қиладиган бўлсак бир миллион, икки миллион балки ўн миллион аудитория кўрар. Бу ерда бутун дунёнинг Туризм Администрациялари ва туризм соҳасида дунёнинг маданий пойтахти Рим эмас, Лондон эмас, Пекин эмас, Венеция эмас, Дели эмас, Ўзбекистондаги Самарқанд, деган сўзнинг ўзи биринчи ўринда эътироф. Иккинчи ўринда бу эътирофга эришишнинг қийинлиги. Чунки эришиш учун Ўзбекистон инфротузилма учун миллиардлаб пул тиккан бўлиши керакми, визга юзга яқин мамлакатга визасиз режимни жорий қилиш керакми, юздан ортиқ шаҳарларга рейс бўлган бўлиши керакми? Яъни, ўз-ўзидан тушунилади-ки, шу ишалрни қилган, демак Самарқанд бутун дунёда эътироф этиляпти, деган фикр бўлади”.
