Самарқанд мезбонлигида ўтаётган Бутунжаҳон туризм ташкилоти Бош Ассамблеясининг 25-сессияси давом этмоқда. Дунёнинг 100 дан ортиқ давлатларининг Туризм вазири ва вазир ўринбосарларини бир манзилда жамлаган ушбу тадбирда хорижликлар Ўзбекистон туризм салоҳиятини юқори баҳоламоқда. Хусусан, Испания туризм давлат котиби Ўзбекистон бугун туризм соҳасида дунёга эшикларини очаётгани ҳақида гапирди.
Эътиборлиси Роса Ана Морилло Родригуэз тадбирга ўзбек адрасида ташриф буюрди.
Ўзбекистон-Нидерландия дўстлик жамғармаси раиси Даля Алтунтепе эса бундай аҳамиятли тадбирнинг Ўзбекистонда, Самарқанд шаҳрининг мезбонлиги билан ўтказилиши уни жуда қувонтиргани ҳақида айтиб ўтди.
