Жо Байден Америка халқига Украина ва Исроилни қўллаб-қувватлаш ҳақида мурожаат қилди. Унинг фикрига кўра, дунё бурилиш нуқтасида, ҳозир қабул қилинган қарорлар келгуси ўн йилликларни белгилайди. У Исроил ва Украинани молиялаштириш учун жума куни Конгрессга фавқулодда бюджет сўровини юборишга ваъда берди.
Шунингдек, Украинани қўллаб-қувватлаш борасида:
▪️ Украинага ёрдам - бу келажак авлодларга дивиденд олиб келадиган “ақлли сармоя”;
▪️ Америка қўшинларини Украинадаги жангларда қатнашиш учун юбориш ҳали ҳам режалаштирилмаган;
▪️ Қўшма Штатлар Америка армиясининг Россия армиясига қарши жанг қилишини хоҳламайди, дкган фикрларни билдирди АҚШ раҳбари.
Исроилни қўллаб-қувватлаш борасида эса:
▪️ Исроил ҳукумати ғазабдан кўр бўлмаслиги керак;
▪️ АҚШ ёрдами Исроил ҳар қачонгидан ҳам кучлироқ эканлигини кўрсатади ва можаронинг тарқалишига йўл қўймайди;
▪️ АҚШ ва ҳамкорлар Вашингтоннинг ўзига фойда келтирадиган Яқин Шарқ учун яхшироқ келажак сари ҳаракат қилмоқда;
▪️ Исроил ва Фаластин ўртасидаги можарони икки давлат асосида ҳал қилиш вазифасидан воз кечиб бўлмайди, деган ташаббусларни илгари сурди Байден.
