"Мен ўлишни хоҳламайман" — уруш болалари (фотожамланма)

Исроил — Фаластин уруши оқибатида 12 кун ичида Ғазода 2 йил ичида Украинадагидан 2 баробар кўп болалар вафот этди. Zamon.uz урушдаги болалар фотоларини жамлади.

Ғазо Соғлиқни сақлаш вазирлигининг маълум қилишича, Ғазога қарши давом этаган қирғинлар оқибатида 3 500 дан ортиқ киши ҳалок бўлди ва кўпчилиги болалар ва аёллар. 13 000 мингга яқин ярадор бор.

Ҳозиргача Ғазода Исроил ҳужумлари оқибатида Ғазо секторида 2 750 киши ҳалок бўлди, 10 мингга яқин одам жароҳатланди.

Исроилда эса ҳозиргача тўқнашувлар сабаб 1,4 мингга яқин одам вафот этди, 3,5 минг киши жабрланди.

"Ҳар куни ОАВ орқали яраланган, ота-онаси ва бошқа яқинларидан айрилган — ёлғиз қолган болаларнинг видеоси тарқалмоқда. Ҳатто фаластинлик шифокор болаларнинг дафн маросими олдида "бу болаларнинг айби нима?" дея исён кўтарди.

Уруш болалари: Уларни на куни, на тунида ҳаловат бор. "Тиқ" этган овоз ҳам норасида гўдакларнинг қўрқувига қўрқув қўшади, юрагига таҳлика солади ва янада сергаклантиради.

Аслида, болаларга хотиржамлик, бут оила, ота-онаси ва жигарларининг иссиқ тафти ва меҳридан бошқа ҳеч нарса керак эмас!", дейилади хабар изоҳида.