Ўзбекистон Республикаси Президенти Шавкат Мирзиёев Қозоғистон Республикаси Президенти Қасим-Жомарт Тоқаевга Қарағанди вилоятидаги Костенко номидаги конда рўй берган портлаш оқибатида инсонлар ҳалок бўлгани ва жароҳат олгани муносабати билан ҳамдардлик йўллади. Бу ҳақда президент матбуот котиби Шерзод Асадов хабар берди.
Давлатимиз раҳбари кон ичида қолаётган кончилар тез фурсатда қутқарилишига умид билдирди.
Аввалроқ, Қозоғистоннинг Қарағанда вилоятидаги конда портлаш юз бергани, ҳалок бўлганлар сони ўттиздан ошгани ҳақида хабар берган эдик.
Шунингдек, Қозоғистонда 29 октябрь умумхалқ мотам куни деб эълон қилинди.
