2023 йил 30 октябрь кунги Тель-Авив - Тошкент рейси кечиктирилди. Бу ҳақда "Uzbekistan Airways" матбуот хизмати хабар қилди.
Маълум қилинишича, Тель-Авив – Тошкент йўналиши бўйича HY-302 рейси учиш аэропортидаги техник сабабларга кўра, шунингдек, ҳаво кемаси Самарқанд аэропортига оралиқ қўниши муносабати билан кечиккан.
Тошкентга режалаштирилган етиб келиш вақти 20-25 бўлган, бироқ кечикиш ҳисобига кутилаётган етиб келиш вақти 00-15га ўзгарган.
"Қўшимча маълумотларни 998 78 140-02-00 алоқа маркази орқали билиб олиш мумкин. Вазиятни тўғри тушунишингизга умид қиламиз", - дейилади хабарда.
