Бухоро туманида 29 ёшли тадбиркор Б.Р.нинг жасади осиғлиқ ҳолда топилди. Ҳолат юзасидан Бош прокуратура матбуот хизмати "darakchi.uz"га маълумот тақдим этди.
Маълум қилинишича, 3 ноябрь куни марҳумнинг рафиқаси ИИБга мурожаат қилиб, турмуш ўртоғи 29 октябрь куни уйдан чиқиб кетиб, қайтиб келмаганини билдирган.
Аниқланишича, ўша куни эр-хотин оилавий масалада жанжаллашиб қолгандан сўнг, эркак фуқаролик паспорти ва қўл телефонини олиб, уйдан чиқиб кетган. 5 ноябрь куни эса эркакнинг осилган жасади топилган. Ҳозирда Бухоро тумани прокуратураси томонидан терговга қадар текширув ишлари олиб борилмоқда.
Эслатиб ўтамиз, сал аввал Андижонда 30 ёшли эркак ўзини осиб қўйган эди.
