Навоий вилоятига янги прокурор, Шовот ҳамда Қўшкўпир туманларига янги ҳоким тайинланди.
Ахмедов Шуҳрат Курвондурдиевич Қўшкўпир тумани ҳокими лавозимига тайинланди.
Ш.Ахмедов бунга қадар Тупроққалъа тумани ҳокими лавозимида фаолият олиб борган.
Шунингдек, Холбоев Ойбек Мадаминович Шовот тумани ҳокими лавозимига тайинланди.
О.Холбоев тайинловга қадар Урганч шаҳри ҳокими лавозимида ишлаб келаётган эди.
Бундан ташқари, Бош прокурорнинг буйруғига асосан, адлия катта маслаҳатчиси Азамат Эгамбердиевич Мирзаев Навоий вилояти прокурори лавозимига тайинланди.
А.Мирзаев тайинловга қадар Қашқадарё вилояти прокурорининг ўринбосари лавозимида ишлаган.
