Кинематография агентлиги буюртмасига биноан суратга олинаётган "Енгилмас. Токиога йўл" фильми бўйича тизер эълон қилинди. Кинокартинанинг суратга олиш ишлари давом этмоқда.
Ушбу фильмда Токиода бўлиб ўтган Токио-2020 Олимпия ўйинларида ғалабага эришиб, Ўзбекистон байроғини баланд кўтарган ўзбек ўғлони Баҳодир Жалоловнинг халқаро ютуқлари ҳақида ҳикоя қилинади.
Сценарий муаллифлари Сергей Кузмених, Нурилло Нарзуллаев ва Султонбек Аббосов, постановкачи режиссёр: Акром Исаков. Фильмда бош ролни Улуғбек Қодиров ижро этмоқда.
