Антикоррупция агентлиги “Ҳаж” учун навбатни очиқ эълон қилинишини сўрамоқда

Антикоррупция агентлиги “Ҳаж” зиёратига борувчи фуқаролар рўйхатининг холис ва адолатли шакллантирилиши ҳамда очиқ эълон қилиниши ўрганди. 

Маълум қилинишича, агентлик Ишчи гуруҳи томонидан “Ҳаж” тадбирини  ташкил этиш ва ўтказиш тўғрисидаги низом талабларининг ижроси таъминланиши Урганч шаҳри ва Урганч тумани мисолида ўрганилган.

Ўрганиш давомида:

- фуқароларнинг ўзини ўзи бошқариш органлари томонидан тақдим этилган рўйхат асосида зиёратчиларнинг навбати (рўйхатдан ўтказилиши);  

- аризаларни белгиланган тартибда ҳокимликдан рўйхатдан ўтказиш, уларни кўриб чиқиш натижасини фуқарога расмий маълум қилиш амалиёти билан танишилган. 

Маълумот ўрнида: Агентлик томонидан “Ҳаж”  зиёратига бориш учун навбатда турган зиёратчиларнинг ягона онлайн навбати тўғрисидаги маълумотларни очиқ эълон қилиниши керак бўлган ижтимоий аҳамиятга молик маълумотлар рўйхатига киритиш таклиф этилмоқда.