Жорий йилнинг август ойидан бошлаб UzAuto Motors автомобиллар учун навбатни камайтиришга қаратилган қатор чора-тадбирлар қабул қилган эди. Бу ишлаб чиқариш ҳажмини ошириш, шунингдек, автомобилларни ишлаб чиқариш жадвали асосида сотиш навбатларни 3 баробарга, кутиш муддатини эса ўртача 1-3 ойга қисқартириш имконини берди.
Аммо кутиш муддатлари билан боғлиқ муаммоларни бартараф этиш бўйича қилинган ечимлар, дилерлик марказларида оммавий автомобиллар учун шартномаларни олишдаги кескинликни камайтирмади, бу эса ҳақли равишда истеъмолчиларнинг норозилигини келтириб чиқаришга сабаб бўлмоқда.
Бундан аввалги контрактацияда, дастурий таъминотда юқори юкланиш туфайли юзага келган техник носозликлар уни сезиларли даражада янгилаш зарурлигини кўрсатди.
Шу муносабат билан, "UzAuto Motors" компанияси Ахборот ва коммуникациялар вазирлиги билан ҳамкорликда "UzAvtoSavdo" тизимини модернизация ишлари амалга оширилиб, тизимнинг техник жиҳозланишини кучайтириш бўйича самарали ишлар қилинмоқда, бу эса унинг юқори тезликда юкланишларни тўғри ишлашини таъминлайди.
Онлайн сотув бўйича амалга оширилаётган ишларнинг якунланиши ва онлайн савдога тўлиқ ўтиш вақтини "UzAuto Motors" ўзининг барча расмий каналларида қўшимча равишда эълон қилади. Айни пайтда харидорлар "UzAvtoSavdo" иловасини ((iOS/Андроид) ўрнатишлари ва кейинги автомобил харидлари учун "UzAuto Motors" савдо тизимида (savdo.uzavtosanoat.uz) рўйхатдан ўтишлари мумкин.
Шунингдек, модернизация доирасида онлайн-савдо тизимида техник ишлар олиб борилаётганини маълум қиламиз. Шу боис, жорий йилнинг 1 декабрь куни соат 08:00 дан 24:00 гача "UzAvtoSavdo" тизими вақтинча ишламайди. Компания юзага келган ноқулайликлар учун мижозлардан узр сўрайди ва уларнинг тушунишино сўраб қоламиз.
Эслатиб ўтамиз, автомобилни онлайн харид қилиш бўйича шартнома тузиш учун мижозлар қуйидагиларни амалга оширишлари лозим:
1. ОneID тизимидан рўйхатдан ўтиш;
2. Телефонга "UzAutoSavdo" иловасини юклаб олиш ((iOS/Андроид), savdo.uzavtosanoat.uz. сайтига кириши керак;
3. ОneIDдаги парол ёки логин ёрдамида сайт/иловадан рўйхатдан ўтиш;
4. Автомобиль модели, ранги ва комплектацияси ҳамда маъқул келган дилерлик марказини танлаган ҳолда, шартнома тузиш керак бўлади.
