Ижтимоий тармоқларда Жанубий вокзалда йўловчи поезд бир соатга кечиккани ҳақидаги видео тарқалди.
“Ўзтемирйўлйўловчи” АЖ матбуот хизматининг маълум қилишича, ушбу поезд соат 18:00 да ҳаракатланиши лозим бўлган 6450-сонли “Тошкент — Бекобод” йўналишидаги шаҳарлараро поезд бўлган.
Аномал совуқ туфайли йўловчи поезднинг техник кўрикдан ўтказиш ва таъмирлаш жараёни маълум вақтга чўзилиши натижада ушбу поезд ўрнига бошқа поезд ҳаракатланишни бошлаган. Поезд 18:52 да Жанубий вокзалдан йўловчилар билан жўнаб кетган.
"Фуқаролардан республикамизда кузатилаётган аномал совуқ вақтида келиб чиқаётган техник муаммоларни тўғри тушунишларини сўраб қоламиз ва келтирилган ноқулайликлар учун узр сўраймиз!
“Ўзбекистон темир йўллари” АЖ нинг асосий мақсади — йўловчиларни ўз манзилига хавфсиз етказиш!", матбуот хизмати баёнотида.
