Хитойнинг марказий қисмида содир бўлган зилзила оқибатида камида 116 киши ҳалок бўлди. Бундай маълумотлар 19 декабрь, сешанба куни "Синхуа" агентлиги ва мамлакат марказий телевидениеси томонидан маълум қилинди.
Бундан ташқари, 300 дан ортиқ одам тан жароҳати олди - Гансуда 186 ва Тсинхайда камида 140 киши, дея хабар беради расмий ОАВ. Уларнинг сўзларига кўра, офат зонасида сув таъминоти узилган, электр узатиш линиялари, шунингдек, транспорт инфратузилмаси объектлари шикастланган. Биргина Гансу провинциясида 4782 уй зарар кўрган, дейди маҳаллий расмийлар.
Расмийлар жабрланган ҳудудларга чодирлар, йиғма каравотлар ва кўрпа-тўшаклар юборишни буюрган. Хитой раҳбари Си Цзиньпин қурбонлар сонини камайтириш учун кенг кўламли қидирув амалиётини ўтказишга чақирди.
Зилзила эпицентри Гансу провинциясида, Синхай билан маъмурий чегарадан 5 километр узоқликда бўлган, дея таъкидлади Синхуа. Хитой маълумотларига кўра, зилзила магнитудаси 6,2 баллни ташкил қилган. Шу билан бирга, АҚШ Геология хизмати бу кўрсаткични 5,9 деб баҳоламоқда.
Хитойда сўнгги йиллардаги энг вайронкор зилзилалардан бири 2008 йилнинг май ойида Сичуан провинциясида содир бўлган. Ўшанда 87 мингдан ортиқ одам вафот этган.
