Ўзбекистон футбол ассоциациясининг навбатдаги ҳисобот Конгресси ва йилнинг энг яхшиларини тақдирлаш маросими ўтказилди.
Унда футболимиз фахрийси, айни кунларда муборак 90 ёшни қарши олган Лев Викторович Вахтин “Ўзбек футболи нуронийси” совринига лойиқ деб эътироф этилди.
Ўзбек футболининг ўтмишдаги ёрқин юлдузларидан бири, айни пайтда ЎФА Фахрийлар кенгаши раиси сифатида фаолият олиб бораётган инсон — Тўлаган Исоқовга “Футбол фидойиси” соврини топширилди.
Андижон ФА — “Йилнинг энг яхши ҳудудий футбол ассоциацияси” деб топилди.
Ўтган мавсумда “БМБ” футзал жамоаси билан биргаликда мавсум чемпионлигини қўлга киритган мутахассис — Нодир Элибаев “Футзал бўйича йилнинг энг яхши мураббийи” номинациясига лойиқ деб топилди.
Ўзбекистон футзал миллий терма жамоаси етакчиларидан бири, ўтган мавсум чемпиони Ҳусниддин Нишонов “Йилнинг энг яхши футзалчиси” совринини қўлга киритди.
“Севинч” клуби вакиласи Умида Зоирова “Аёллар Олий лигасида йилнинг энг яхши футболчиси” совринини қўлга киритди.
“Севинч” клуби бош мураббийи Владислав Хан “Аёллар футболи бўйича йилнинг энг яхши мураббийи” совринини қўлга киритди.
“Сўғдиёна” етакчиси Диёра Ҳабибуллаева кетма-кет учинчи мавсум Олий лиганинг энг яхши тўпурарига айланмоқда. Жорий йилга келиб Диёра чемпионат доирасида рақиблари дарвозасига 61 та тўп киритишга муваффақ бўлди.
20 ёшгача бўлган футболчилар ўртасидаги Осиё кубоги соҳиби, ёшлар ўртасидаги Жаҳон чемпионати иштирокчиси, Ўзбекистон У-20, У-23 ва миллий терма жамоаларида ишончли ўйин кўрсатиб келаётган иқтидор эгаси — Абдуқодир Ҳусанов “Йилнинг энг яхши ёш футболчиси” совринига лойиқ деб топилди.
Юртимиз мезбонлик қилган У-20 Осиё кубогида жамоаси билан биргаликда ғолибликни қўлга киритган мутахассис Равшан Ҳайдаров — “Йилнинг энг яхши мураббийи” совринига лойиқ деб топилди.
Ўзбекистон аёллар терма жамоаси ҳамда “Севинч” клуби етакчиси Людмила Карачик “Йилнинг энг яхши аёл футболчиси” совринини қўлга киритди.
20 ёшгача бўлган футболчилар ўртасидаги Осиё кубоги соҳиби, ёшлар ўртасидаги Жаҳон чемпионати иштирокчиси, Ўзбекистон U-20, U-23 ва миллий терма жамоаларида ишончли ўйин кўрсатиб келаётган ёш иқтидор эгаси — Аббосбек Файзуллаев “Йилнинг энг яхши футболчиси” совринига лойиқ деб топилди.
