Америка ва Европада Исроилнинг Ғазо секторига уюштирилган ҳужумларга ўз муносабатини билдираётган санъаткорларга босим ўтказилмоқда.
Хусусан, “Крик 7” филм режиссёри Кристофер Лендон шу туфайли суратга олиш майдонидан кетишини маълум қилди.
Ноябрь ойи бошида асосий актриса Мелисса Баррера Ғазо сектори билан боғлиқ ижтимоий тармоқлардаги постлари туфайли фильмдаги ролини йўқотган эди.
Лендон ўзининг кетишини Ғазодаги вазият билан бевосита боғламаган бўлса-да, режиссёрнинг қарорига Барреранинг ишдан бўшатилиши билан боғлиқ воқеа таъсир қилганини айтган.
Ноябрь ойида ўзининг Инстаграм саҳифасида Баррера Ғазо инқирозини "концентрацион лагерлар" билан таққослаган. Унинг таъкидлашича, Ғарб оммавий ахборот воситалари фақат Исроил нуқтаи назарини акс эттиради.
Фильм продюсерлари Баррерани “антисемитизм”да айблаб, ишдан бўшатишди.
