Самарқанд халқаро аэропорти Европадаги энг йирик аэропортлар ТОП-5 талигига кирди

Халқаро аэропортлар кенгашининг Европа бўлими (ACI Europe) тақдим қилган маълумотга кўра, октябрь ойи якунлари билан Самарқанд аэропорти минтақавий ва кичик аэропортлар тоифасида йилига 100 мингдан 1 миллионгача йўловчига хизмат кўрсатиш имконига эга бўлган.

Аэропорт йўловчи ташиш кўрсаткичи 2019 йил октябрь ойига нисбатан 139 фоизини ташкил этган ва 4-ўринни эгаллаган. Шунингдек, аэропортнинг 2019 йилнинг худди шу давригача йўловчи ташиш кўрсаткичи 103,7 фоизга ўсиб, 3-ўринга кўтарилди.

Аэропорт орқали жорий йилнинг бошидан буён Самарқанддан 7 та ички ва 20 та халқаро йўналишларда парвозлар амалга оширилди.