Аввалроқ, ижтимоий тармоқларда “Эр керак” деган ёзувни картон қоғозга ёзиб,кўча айланиб юрган қизнинг видеоси тарқалди.
Оила ва хотин-қизлар қўмитаси ҳолат юзасидан расмий маълумот берди.
Маълумотда келтирилишича, видеода Давлатобод тумани “Навбаҳор” маҳалласида яшовчи, 2007 йилда туғилган вояга етмаган Д.Р.нинг хатти-ҳаракатлари акс этган бўлиб, видеолавҳа Янги Наманган туманидаги гўзаллик салони ходимлари томонидан салон мижозлари ва каналидаги обуначиларининг сонини кўпайтириш мақсадида олинган.
Ҳолат юзасидан масъул идоралар вакиллари томонидан тегишли тартибда ҳужжатлар расмийлаштирилиб, суриштирув ишлари олиб борилмоқда.
Ҳолатнинг ўрганиш натижалари бўйича қўшимча маълумот берилади, дейилади муносабатда.
