2024 йил 12 январь куни соат 22:13да Янгийўл тумани, “Қўшёғоч” МФЙда жойлашган “DELTA KOMPRESSOR” МЧЖ га қарашли АГТКШ бостирмасининг 10 кв.м. майдонда шифти ва тагида турган “КАМАЗ-53212” русумли юк автомобилида ёнғин юзага келган.
ФВВ ахборот хизмати хабар беришича, ёнғинга ёнғин қутқарув экипажлари соат 22:17да етиб бориб, 22:20да ўраб олиниб, 22:38да ўчирилди.
Ёнғин натижасида тан жарохати олган ва ҳалок бўлган фуқаролар қайд этилмади.
Ёнғиннинг келиб чиқиш сабаблари ва зарар миқдори аниқланмоқда.
