“Қамчиқ" довонида ёғаётган қор қалинлашиб бормоқда. Туман, йўлларда кўриш масофаси 700 метрни, шамол тезлиги 5-12 м/с ни, ҳаво ҳарорати -1 даражани, намлик 76 %ни ташкил этмоқда. Бу ҳақда "Қамчиқавтойўл" хабар бермоқда.
Қор ёғиб турган пайтда довонда автотранспорт воситаларининг тўхтовсиз икки томонлама ҳаракатланишини таъминлаш мақсадида сирпанчиқликни олдини олиш учун туну-кун йўл қордан тозалаб, қум-туз сепиш ишлари амалга оширилмоқда. Автотранспорт воситалари икки томонлама хавфсиз ҳаракатланмоқда.
“Қамчиқ" довони орқали ҳаракатланаётган барча ҳайдовчилардан об-ҳаво шароитини инобатга олган ҳолда тезликни меʻёрдан оширмасдан, оралиқ масофани сақлаб ҳаракатланишларини ва барча хавфсизлик чораларини кўришларини тавсия қилади.
