"Док-1 Макс" фожиаси: Ҳиндистонлик судланувчига қамоқ билан боғлиқ бўлмаган эҳтиёт чорасига ўзгартириш сўралди

"Док-1 Макс" ишининг жорий йил 19 январь кунги суд мажлисида Quramax Medical МЧЖ директори, ҳиндистонлик судланувчининг адвокати томонидан ҳимоясидаги шахс бир неча касаллик билан оғриб келиши ва ҳибсхонадаги овқатларни истеъмол қилаолмаслиги оқибатида 15 кг вазн йўқотгани маълум қилинди. Бу ҳақда ЎзА хабар қилди. 

Адвокат судланувчига қўлланилган қамоқ эҳтиёт чорасини бошқа усулга ўзгартиришни сўраб илтимоснома киритди. Бироқ суд ушбу чорани “барвақт”, деб топиб рад этди.

Суд давом этмоқда, дея ёзилади хабарда.