Маҳаллий вақт билан соат 08:08дан бошлаб Бухоро аэропортида ҳаво кемаларини қабул қилишга чекловлар жорий этилди. Бу ҳақда Uzbekistan Airports
хабар қилди. Чекловга туман тушиши ва кўриш масофаси қисқаргани сабаб бўлган.
“Silk avia” авиакомпаниясининг Тошкент-Бухоро йўналиши бўйича учган UC-803 рейси экипажи Самарқанддаги муқобил аэродромга йўл олишга қарор қилди. Бортида 58 йўловчи бўлган самолёт маҳаллий вақт билан соат 09:05 да Самарқандга қўнди.
