BBС Ўзбек хизмати Сенат тарқатган маълумотларни ёлғон ёки ноаниқ маълумот эканлигини аниқлади.
11 январь куни Сенатнинг расмий сайтида орган ходимларини фото/видеога олиб интернетда тарқатишни тақиқлаш ҳақидаги "15 сутка қамоқ" қонунини ёқлаш мазмунида хабар эълон қилинган эди.
Ушбу хабарда бу каби қонун Буюк Британия, Франция ва Германияда мавжуд эканлиги ёзилган.
Буюк Британияда полицияни бемалол тасвирга олиш мумкин, бунга тақиқ йўқ. Ҳаттоки бу Лондон полициясининг сайтида ёзиб қўйилган. Фақат биттагина ҳолатда, яъни терроризм хавфи мавжуд бўлсагина, террорчи дея шубҳа қилинган шахсдан тасвирга олишни тўхтатишни сўрашлари мумкин. Лекин кейинчалик у одам террорчи бўлиб чиқмаса, унда шубҳа қилган ва тасвирга олишни тўхтатган полициячининг ўзи жавобгарликка тортилади.
Франция ҳақидаги маълумот ҳам мутлақо нотўғри экан. Аниқроғи Францияда полицияни тасвирга олишни тақиқловчи қонун қабул қилишган, лекин ўша йилнинг ўзидаёқ Франция Конституциявий суди ушбу қонунни Конституцияга зид дея топиб, уни бекор қилган экан.
Германия ҳақидаги маълумот ҳам ноаниқ экан. Яъни ҳақиқатдан Германияда бошқа шахсларнинг тасвирини Интернетда тарқатиш мумкин эмас, аммо бу касбидан, лавозимидан, кимлигидан қатъи назар барча аҳоли учун тааллуқли қонун. Айнан орган ходимлари учун алоҳида ҳеч қанақа модда йўқ. Лекин агар полиция қонун бузаётган бўлса, унда бу ҳолатни тасвирга олиб, тарқтишга рухсат берилган экан, чунки жамоат манфаати шахсий ҳуқуқлардан устун қўйилади.
