Бугун, 27 январ куни соат 21:00 ларда Шайхонтоҳур тумани Кўкча Дарвоза кўчаси, Мумтоз тўйхонаси қаршисида аянчли йўл-транспорт ҳодисаси содир бўлди.
1995 йилда туғилган Ф.Р. бошқарувида бўлган КIА русумли автомашина ҳамда Малибу 2 русумли автомашина (ҳайдовчиси шифохонага олиб кетилгани сабабли шахсига ҳали аниқлик киритилмаган) тўқнашиб кетган.
ЙТҲ натижасида Малибу 2 русумли автомашинаси ҳайдовчиси тан жароҳат олиб, шифохонага ётқизилган.
Ҳолат бўйича Тошкент шаҳар ИИББ ЙҲХБ масъул ходимлари томонидан суриштирув ишлари олиб борилмоқда.
