Ўзбекистон ва Қозоғистон давлатларини боғловчи “Ғишткўприк” агрофирмаси массивидаги 197қ, 198қ, 200қ-контурларда жойлашган 1,81 гектар қишлоқ хўжалигида фойдаланилмайдиган давлат захирасидаги ер майдони “Ғишткўприк” чегара постини кенгайтириш ва лойиҳа ҳужжатлари асосида қўшимча бино-иншоотлар қуриш учун ажратилди. Бу ҳақда Тошкент вилояти ҳокими Зойир Мирзаев тегишли қарорни имзолади.
Шунингдек қарорда, мазкур ҳудудда жойлашган муҳандислик тармоқларини кўчириш ёки муҳофаза ҳудудини сақлаб қолиш ишларини амалга ошириш белгиланди.
