Республика ҳудудларида кучли шамол ва ёмғир (қор) ёғиши натижасида айрим электр тармоқларида кичик носозлик юзага келган. Бу ҳақда Энергетика вазирлиги ахборот хизмати хабар берди.
Бунинг натижасида:
- Қашқадарё вилоятининг Кўкдала, Ғузор, Шаҳрисабз, Яккабоғ, Китоб ва Қарши туманлари қисман (жами 5 430 та истеъмолчи);
- Самарқанд вилоятининг Нуробод, Паст Дарғом ва Иштихон туманлари қисман (жами 3 500 та истеъмолчи);
- Жиззах вилоятининг Фориш ва Ш.Рашидов туманлари қисман (жами 950 та истеъмолчи) электр таъминотидан узилган.
Қайд этилишича, ҳозирги вақтда махсус бригадалар томонидан носозликларни бартараф этиш ишлари олиб борилмоқда.
