Бугун, 2 февраль куни Андижон шаҳрида кўп қаватли уйлардан бирида ёнғин чиқди. Ҳолат юзасидан вилоят ФВБ маълумот берди.
Қайд этилишича, соат 18:13 да Андижон шаҳридаги 39-кўпқаватли уйнинг 61-хонадонида газ ҳаво аралашмасининг чақнаши сабабли ёнғин юзага келганлиги тўғрисида Андижон вилояти фавқулодда вазиятлар бошқармасига хабар келиб тушган.
Воқеа жойига 3 та Ёнғин қутқарув экипажлари соат 18:18 етиб боришиб, ёнғин соат 18:21 да тўлиқ қуршаб олинган, ёнғин соат 18:27 да батамом ўчирилган.
Ёнғин натижасида 1 нафар фуқаро жароҳат олган, 1 нафар фуқаро вафот этган.
