Йиғилишда рақамлаштириш, маданият ва спорт соҳаларида вазирлик ва идоралар олдида турган вазифалар белгилаб олинди. Бу ҳақда Президент Матбуот хизмати хабар бермоқда.
Ҳудудлар ва тармоқлар раҳбарлари рақамлаштиришда кескин ўзгариш қилиши шартлиги кўрсатиб ўтилди.
Масалан, ҳудудларда 53 минг нафар ёшларимиз IT билан мустақил шуғулланиб, дастурий маҳсулот яратаяпти.
Уларнинг фаолиятини кенгайтиришга туртки берадиган яхлит тизим яратиш зарурлиги таъкидланди.
IT парк давлат берган имтиёзни резидентларга тақдим қилиш билангина чекланмай, маҳаллий дастурчиларимизни хорижий компанияларга таништириш, уларга катта-катта буюртмалар олиб бериши шартлиги кўрсатиб ўтилди.
Ҳокимларга жорий йилда 30 минг ёшларни инглиз ва немис тилига ўргатиб, ITга йўналтириш бўйича амалий ишларни тезроқ бошлашга кўрсатма берилди.
05.02.2024 14:41
Президент ҳокимларга 30 минг ёшларни инглиз ва немис тилига ўргатиб, ITга йўналтириш бўйича амалий ишларни тезроқ бошлашга кўрсатма берди
