Ижтимоий тармоқларда Юнусобод туманидаги собиқ “Пойтахт” бизнес-марказида ёнғин бўлаётгани акс этган видеолар тарқалди.
ФВВ матбуот хизмати содир бўлган ёнғин тўғрисида маълумот берди.
Маълум қилинишича, бугун, 9 февраль куни соат 11:40 да Тошкент шаҳар Юнусобод тумани Шароф Рашидов кўчасида жойлашган бинода қурилиш материаллари ёнаётгани тўғрисида ФВБга хабар тушган.
Шунга кўра, 4 та ёнғин-қутқарув экипажи соат 11:43 да воқеа жойига етиб борди ва ёнғин ва соат 11:51 да ўчирилди.
Ҳодиса оқибатида тан жароҳати олган ва ҳалок бўлганлар йўқ.
Ёнғин сабаби ва моддий зарар миқдори аниқланмоқда.
