Россия билан икки йиллик урушда 31 минг украин аскари ҳалок бўлди. Бу ҳақда Украина президенти Владимир Зеленский матбуот анжуманида маълум қилди, дея хабар бермоқда Zamon.uz.
Унинг сўзларига кўра, урушда 180 минг россиялик ҳарбий ҳалок бўлган, ярадорлар билан бирга бу кўрсаткич 500 мингга етиши мумкин.
Зеленский шунингдек, биринчи тинчлик саммити баҳорда Швейцарияда бўлиб ўтишини, унда урушга етаклаган ҳар бир инқирозни ҳал қилиш режаси ишлаб чиқилишини маълум қилди.
Президентнинг қўшимча қилишича, 2024 йил бурилиш даври бўлади, урушни тугатиш формати ҳам якунда шундан келиб чиқилади.
