Норин туманида яшовчи аёл Омбудсманга мурожаат қилиб, ногиронлиги бўлган укасига ногиронликни қайта белгилаш бўйича ёзган аризаси холис кўриб чиқилмаётгани бўйича шикоят қилган.
Натижада мурожаатчининг 3-гуруҳ ногиронлиги белгиланган укаси малакали шифокорлар томонидан қайта тиббий-меҳнат экспертизасидан ўтказилиб, унга 2-гуруҳ ногиронлиги белгиланган.
Маълумот учун қайд этилишича, 2023 йилда Омбудсманга ногиронлиги бўлган шахсларнинг ҳуқуқ ва эркинликлари бўйича 133 та мурожаат келиб тушган. Уларда ногиронлик гуруҳини белгилаш, уни қайта кўриб чиқиш, моддий ёрдам кўрсатиш ҳамда ижтимоий имтиёзлар татбиқ этиш масалалари кўтарилган.
