Диёрбакирнинг “Ağaçlıdere” қишлоғида эрталаб овоз бериш жараёнида чиққан тортишув катта жанжалга айланиб кетди. Одамлар қурол, тош ва таёқ ишлатишгача етиб борди. Натижада, ҳалок бўлган ва оғир яраланганлар бор. Бу ҳақда "Cumhuriyet" нашри хабар берди.
Хабарда айтилишича, Эмин Челикка ўқ теккан ва воқеа жойида ҳаётдан кўз юмган. 2 нафари ўлим ёқасида, 12 киши эса оғир яраланган. Муштлашув туфайли тиббий гуруҳлар воқеа жойига кира олмаганлиги сабабли, ҳудудга махсус қўриқлаш хизматчилари жўнатилган.
Полиция ходимлари билан воқеа жойига киришга уринган тиббиёт ходимлари ва журналистлар тош ва қуроллар билан ҳужумга учраган.
“ДҲА мухбирлари Бурак Эмек ва Ғиясеттин Тетик тез ёрдам машинасига ўтириб, ўзларини ҳимоя қилишга ҳаракат қилишган. Журналистлар кетаётган машина шинасига ўқ теккан, 2 та тез ёрдам машинаси шикастланган”, – дейилади хабарда.
