Маҳаллий сайловлар учун овоз бериш тартиблари қуёш чиқиши ва ботишига қараб Олий сайлов кенгаши (ЙСК) томонидан белгиланди. Шунга кўра, Туркиянинг шарқидаги 32 вилоятда соат 07.00да бошланган овоз бериш 16.00да якунланди. Қуёш кейинроқ ботадиган шаҳарларда Туркия бўйлаб соат 17:00да овоз бериш ниҳоясига етди. Бу ҳақда “TRT haber” хабар қилмоқда.
Овоз бериш жараёни якунланиши билан ЙСК Президенти Аҳмет Енер ҳам баёнот берди. Енер: "Мамлакат бўйлаб 34 сиёсий партия рақобат қилган 207 минг 848 сандиқда 61 миллион 441 минг 882 сайловчининг овоз бериш жараёни, айрим воқеаларни ҳисобга олмаганда муаммосиз якунланди. Жароҳатланганларга шифо тилаймиз .Ўлган фуқароларимизни Аллоҳ раҳматига олган бўлсин, яқинларига ҳамдардлик билдирамиз",– деди.
Саноқ ва инвентаризация жараёнлари тугалланган сайлов қутилари натижалари маълумотлари SECSIS (Компютер ёрдамида марказий сайлов реестри тизими) га киритила бошланди ва маълумотлар оқими давом этмоқда. Олий Сайлов Кенгаши партияларимиздаги барча маълумотлар ёзувларини баҳам кўради. "Сиёсий партияларимиз вакилларини неча фоиз овоз тўплаганини экран орқали эълон қилинади", – дейилади хабарда.
Туркиядаги сайловнинг сўнгги натижалари:
ИСТАНБУЛ
АНКАРА
ИЗМИР
