Фуқаролик ишлари бўйича Беруний туманлараро судининг ижро ҳужжатига асосан ундирувчи Д.Книнг фойдасига тарбиясидаги икки нафар фарзандининг таъминоти учун, улар вояга етгунига қадар қарздор ота Р.Мнинг ҳар ойдаги жами даромадининг 1/3 қисми миқдорида алимент ундириш белгиланади.
Шунга асосан МИБнинг Тўрткўл туман бўлими ижрочиси томонидан отанинг мамлакатдан ташқарига чиқишига чеклов ўрнатилган.
Қарздор ота жорий йилнинг март ойида Бюронинг туман бўлимига келиб, чет элга чиқишга зарурати борлигини билдирган. Давлат ижрочиси унга нисбатан ўрнатилган чекловларни бекор қилиш асослари ҳақида тушунтириш бергач, ота фарзандлари вояга етгунига қадар тўланиши лозим бўлган 47 млн. сўмдан ортиқ алимент пулларини олдиндан тўлаган.
Қарздор томонидан суд қарори талаби бажарилганлигини инобатга олиниб, унинг чет элга чиқиш ҳуқуқига нисбатан ўрнатилган чеклов бекор қилинган.
