Энг енгил вазн тоифасида ўзбекистонлик боксчи Ҳасанбой Дўсматов Тошкентда ўтказилган "IBA Чемпионлар оқшоми"нинг марказий жангида рингга чиққан эди.
Мусобақанинг марказий жангида иштирок этган Дўсматовга турнирда Испания вакили Самуэль Кармона рақиблик қилди.
IBA чемпионлик камари учун кечган жангда очколар ҳисобига кўра зафар қучган Дўсматов ушбу жанг орқали аввал эълон қилинганидек, 350 минг АҚШ доллари миқдоридаги кафолатланган гонорарга эга чиқди.
Агар ҳамюртимиз рақибини 5-раундга қадар нокаутга учратганида, IBA президенти Умар Кремлёвнинг махсус совғаси - "Гелендваген" автомобилига ҳам эга чиқиши мумкин эди.
