Коррупцияга қарши курашиш агентлиги томонидан қатор давлат харидларида қонунбузилиши ҳолатларига йўл қўйилганлиги аниқланди. Бу ҳақда агентлик матбуот хизмати хабар қилди.
Хусусан:
➖ “Шўртан газ кимё мажмуаси” МЧЖ буюртмачилигидаги 9,4 млрд сўмлик;
➖"Оқдарё туман йўллардан фойдаланиш" корхонаси буюртмачилигидаги 2,5 млрд сўмлик;
➖Андижон қишлоқ хўжалиги ва агротехнологиялар институти буюртмачилигидаги 150 млн сўмлик давлат харидларида қонунчилик талабларига зид равишда аффилланган шахслар ғолибликни қўлга киритган.
Шунингдек:
“Ҳудудгазтаъминот” АЖ буюртмачилигидаги 1,2 млрд сўмлик;
“Фарғонайўлкўкалам” УК буюртмачилигидаги 289,5 млн сўмлик;
Урганч давлат университети буюртмачилигидаги 260,6 млн сўмлик;
Қўқон шаҳар ҳокимлиги буюртмачилигидаги 212 млн сўмлик;
Ҳайвонларни идентификация қилиш, рўйхатга олиш ва кузатиш маркази буюртмачилигидаги 120 млн сўмлик;
"Наманган йўл қурилиш-таъмирлаш" МЧЖ буюртмачилигидаги 120 млн сўмлик давлат харидларида манфаатлар тўқнашуви ҳолатларига йўл қўйилганлиги аниқланди.
Агентликнинг тақдимномаларига биноан юқоридаги давлат харидлари бўйича харид комиссиясининг баённомалари бекор қилинди ва тўпланган ҳужжатлар қонуний чора кўриш учун ҳуқуқни муҳофаза қилиш органларига юборилди.
