1

Жиззахдаги ресторанда маст йигитлар жанжал кўтарди(видео)

ЖИНОЯТ 24.05.2024, 18:20
Теглар: қизларга гап отиш, ҳақорат
Жиззахдаги ресторанда маст йигитлар жанжал кўтарди(видео)

Жиззахда маст йигитлар қизларга гап отиб, жанжал кўтаришган ҳамда жанжални тўхтатмоқчи бўлган ресторан қоровули ва бошқа ходимини калтаклашган. Бу ҳақда Жиззах вилояти ИИБ хабар берди.

Қайд этилишича, Жиззах шаҳрининг “Оққўрғонлик” маҳалласида жойлашган савдо мажмуасидаги овқатланиш шохобчасида содир бўлган. Шу ерда маст ҳолда ўтирган йигитлардан бири қўшни столда ўтирган қизларга гап отиши сабаб жанжал юзага келган. Воқеадан хабар топган шохобча қоровули келиб жанжални тўхтатиш мақсадида келишмовчиликка аралашган.  

Натижада, йигитлардан икки нафари қоровулни ҳақорат қилиб, унга пиво идишини улоқтирган. Йигитлар қоровулни калтаклаб, унга оғир тан жароҳати етказган. Уларни ажратишга уринган шохобчанинг бошқа ходими ҳам бир нечта мушт зарба беришган.

Қоровул олган тан жароҳатлари билан шифохонага ётқизилган. Йигитлар эса ДХХ ва ИИО ходимлари томонидан қўлга олинган. 

Аниқланишичa, қўлга олинганлардан бири аввал талончилик, давлат органи вакилининг қонуний ҳаракатларига қаршилик кўрсатгани ҳамда қасддан баданга енгил шикаст етказгани сабаб судланиб, аҳлоқ тузатиш жазосини ўтаётган бўлган.

Қонунбузарларнинг бу ишлари судда кўриб чиқилди. Аввал судланиб, аҳлоқ тузатиш жазоси ҳукм қилинган шахснинг бу жазоси озодликдан маҳрум қилиш жазосига алмаштирилди. Унинг шеригига ҳам қонунда белгиланган жазо қўлланилди.

 

Шарҳлар

Об-ҳаво: Тошкент
Валюта курси
1