Бугун Ўзбекистон Президенти Шавкат Мирзиёев мамлакатимизда расмий ташриф билан бўлган Россия Президенти Владимир Путинга янги Тошкент кўчаларидан бири "Санкт-Петербург" деб номланиши ҳақида маълум қилди, деб хабар бермоқда шаҳар мэри Александр Беглов.
– Ушбу қарор шаҳримиз учун катта шараф ҳамда Ўзбекистон Республикаси ва Тошкент шаҳри билан яқин, дўстона муносабатларимиз рамзидир. Ўзбекистон билан шериклик Санкт-Петербургнинг халқаро ҳамкорлик соҳасидаги асосий устувор йўналишларидан бири бўлиб келган ва шундай бўлиб қолади”, — деди шаҳар раҳбари.
Ўтган ҳафтада Смолнийда Александр Беглов Тошкент шаҳар ҳокими ўринбосари Шароф Раҳманов билан учрашган. Қайд этилишича, ҳокимликлар 2022-2026 йилларга мўлжалланган ҳудудлараро ҳамкорликни ривожлантириш бўйича “Йўл харитаси”га мувофиқ ўзаро алоқаларни йўлга қўйган. 2024 йил апрель ойида Тошкентда Санкт-Петербург кунлари бўлиб ўтди, шу йилнинг кузида Санкт-Петербургда Тошкент кунлари ўтказилиши режалаштирилган.
