Бугун, 15 июнь куни Тошкент шаҳринингСергели туманида Mercedes-Benz русумли автобус ёниб кетди. Ҳолат юзасидан Тошкент шаҳар ИИБ ЙҲХБ матбуот хизмати маълумот берди.
Ҳолат соат 11:35 ларда Сергели тумани Лутфикор кўчасида содир бўлган. Унда Mercedes-Benz русумли транспорт воситасида ёнғин келиб чиққан. Ёнғин туман Фавқулодда вазиятлар бўлими ходимлари томонидан бартараф этилган.
Маълум бўлишича, автобуснинг гидростат қисмида электр симларининг қисқа туташуви оқибатида ёнғин содир бўлган.
