Ўзбеклар учун Болгариядан маоши 1300 доллар бўлган ишлар таклиф этилмоқда. Бу ҳақида Ташқи меҳнат миграцияси агентлиги матбуот котиби эълон берди.
Талабгорлар қуйидаги соҳаларга таклиф этилади:
- ғишт терувчи (каменщик);
- ташқи қоплама монтажчиси (монтажник навесных фасадов);
- алюминий ромларни ўрнатиш (установщик алюминиевых оконных рам).
️Номзодлар учун талаблар:
Ғишт терувчи:
- Метал конструкциялар учун ғишт териш тажрибаси;
- Пойдевор, юк кўтарувчи девор ва бўлаклар, устун, камар, тонозларни қуриш малакаси;
- конструкциялар учун префабрик темир-бетон элементларини бирлаштириш.
Ташқи қоплама монтажчиси:
- фасад керамикаси - ламенам, алюминий-пластмасса композит материаллар билан ишлаш тажрибаси.
Алюминий ромлар ўрнатиш мутахассиси:
- дурадгорлик соҳасида тажриба;
- дераза ва ойна ўрнатиш тажрибаси.
Умумий талаблар:
- оилали, 25-35 ёшдаги эркаклар;
- рус тилини билиш;
- судланмаган;
- соҳада камида 5 йиллик тажриба.
Қайд этилишича, яшаш жойи, авиачипта, иш рухсатномаларини рўйхатдан ўтказиш, овқатланиш иш берувчи ҳисобидан қопланади.
